Reshjet e borës janë rikthyer në disa zona malore të juglindjes së vendit. Në fshatin turistik të Dardhës, në majën e Bigllës, trashësia e borës ka arritur deri në 5 cm.

Reshje bore janë regjistruar edhe në disa fshatra të Devollit të Sipërm dhe Shtyllë. Pavarësisht reshjeve, deri më tani nuk raportohen probleme në qarkullimin e mjeteve në këto zona. Autoritetet mbeten në gatishmëri për të menaxhuar situatën.

Rreth 150 familje në fshatrat e Njësisë Administrative Rehovë kanë mbetur pa energji elektrike si pasojë e një defekti në nënstacionin e zonës. Po ashtu, pa furnizim me energji kanë mbetur edhe 12 familje në fshatin Lekas.

Specialistët e OSHEE-së ndodhen në terren dhe po punojnë për riparimin e defektit.

LEXONI GJITHASHTU:

• Atmosfera e festave të dhjetorit, ndizen dritat në Korçë, Sarandë e Gjirokastër
• Reshje shiu dhe bore nga e mërkura – Parashikimi i motit për javën