Rikthim pozitiv i Brojës, Asani nis rrugëtimin me Esteghlal

Sulmuesi i kombëtares shqiptare, Armando Broja është rikthyer në fushë në Angli, ndërsa që prej prillit nuk kishte luajtur asnjë paraqitje, e fundit ishte ajo me Evertonin përballë Man Cityt. 23-vjeçari dhuroi një paraqitje pozitive, duke konfirmuar potencialin e tij, por dhe formën që dalëngadalë po i rikthehet e jep kështu garanci edhe për sezonin e saponisur në ishull. Ndaj Derbyt në kupë, Broja e nisi titullar, luajti për 63 minuta, ndërsa Flashscore e vlerësoi me notën 7.0.

Në minutën e 4’, Armando Broja dha një pasim për shokun e tij të skuadrës, Ramsey, me këtë të fundit që gjeti rrugën e rrjetës, për të kaluar përpara Burnleyn, që në fund triumfoi 2-1.

Në të njëjtën ditë debutoi dhe një tjetër lojtar kuqezi me ekipin e tij, ai është Jasir Asani që nisi zyrtarisht aventurën me Esteghlal. Mëngjarashi nuk mundi të lërë gjurmë, kjo dhe për faktin se u aktivizua si zëvendësues, ndërsa në fund skuadra e tij barazoi në shifrat 3-3. Kampionati Iranian i futbollit ka vetëm 2 ditë që ka nisur, ku Esteghlal numëron 1 fitore dhe 1 barazim. Kjo është skuadra e 8 në karrierën e Asanit, ku kujtojmë që suksesin më të madh e kishte te Gëangju në Korenë e Jugut.

LEXONI GJITHASHTU:

• Broja në kërkim të skuadrës së re, Milani rikthehet si opsion kryesor
• Real Madrid i vendos çmimin Rodrigos, Modric nis aventurën me Milanin