Rinumërimi në Tiranë, anëtari i KAS: Nuk ndryshon shpërndarja e mandateve

Procesi i rinumërimit të votave për qarkun e Tiranës vijon me intensitet, ndërsa deri më tani janë rinumëruar 793 kuti votimi, mbi gjysma e totalit të kutive në këtë qark.

Sipas të dhënave paraprake, procesi nuk ka ndikuar në shpërndarjen e mandateve të fituara nga partitë në rezultatin paraprak, megjithatë ka nxjerrë në pah një numër të konsiderueshëm votash të regjistruara gabimisht.

Anëtari i KAS, Ledio Braho tha se numri i votave të vlerësuara gabim në numërimin e parë ka qenë i ulët dhe futet te marzhi i gabimit njerëzor.

“Nga procesi i numërimit kjo shifër rreth 400 vota është irrelevante nga numri i votave që ka fituar Partia Demokratike, unë këtë e konsideroj gabim njerëzor. Nuk ka lëvizje të mëdha të votave”, tha qanëtari i KAS.

Ai u shpreh më tej se ky proces i rinumërimit të votave në Tiranë ka shërbyer për të pasur një transparencë më të plotë.

Ky proces ia vlen sepse i shërben transparencës, ia vlen sepse pastrion baltën nga procesi i numërimit, hedh poshtë pretendimin për trafikim prej mijëra votash. E vetmja mënyrë për të bërë transparencë, është rivlerësimi dhe rinumërimi i fletëve të votimit.

LEXONI GJITHASHTU:

• “KAS nuk është organ hetimor”, Bele: Rinumërimi për Tiranën mbyllet deri të hënën
• KAS i shpalli votën të pavefshme, Dogjani përplaset me Rusmalin: Do ju çoj në SPAK