Risi teknologjike në QSUT, aparaturë joinvazive për matjen e oksigjenimit të trurit

Mjekët, anestezistë, ekspertë dhe studentë të shkencave mjekësore janë bërë së bashku në konferencën e 17 kombëtare dhe të 1 në nivel ndërkombëtar të organizuar nga Shoqata Shqiptare e Anestezi-Reanimacionit në kryeqytet.

Risi e këtij eventi, ishte demonstrimi live i operacionit të arteries së karotides që shërbimi i kirurgjisë vaskulare nën drejtimin e profesor Sokol Xhepës po kryente në kohë reale, duke përdorur oksimetrinë cerebrale joninvazive për monitorimin e oksigjenimit të trurit përgjatë gjithë interventit.

Presidenti i Shoqatës Shqiptare të Anestezi-Reanimacionit, Saimir Kuçi theksoi se kjo teknikë synohet të kthehet në një rutinë.

 “Është një teknologji e re që ne duam ta fusim rutinë në QSUT pikërisht për të minimizuar riskun e komplikacioneve cerebrale, infarktet ose probleme të ndryshme cerebrale gjatë interventit. Kjo teknikë në ditët e sotme i kthen operacionit dhe kirurgjinë vaskulare në operacione me risk operator të ulët dhe jep më shumë safe për pacientin”,- Saimir Kuçi .

Nga salla e operacionit në QSUT , në sallën e konferencave mjekët komunikuan mes tyre për rëndësinë e kësaj aparature joinvazive për matjen e oksigjenimit të trurit.

 “Më parë këto pacientë i mbanim në monitorim në terapi intensive

 “jemi duke ecur mirë, por dhe për komoditetin e pacientit dhe uljen e ditë qëndrimit spitalor”

“Kjo është një teknologji jo invazive, në qoftë se ne përpara përdorim matjen e presionit intravaskulare kur klampohet arteria karotide, kjo është një teknik e thjeshte me vendosjen e pulave në ballë dhe shikohet si oksigjenohet truri, n.q.s. ka probleme ne ndërhymë, njëkohësisht ndryshon dhe strategjia e teknikës operatore”,-tha Saimir Kuçi.

Ashtu siç u demonstrua që në nisje, të pranishmit në sallë ndoqën të gjithë operacionin  deri në përfundim të tij me sukses.

LEXONI GJITHASHTU:

• Neurologia: Në shtet është elita e mjekëve shqiptarë, funksionon me radhë dhe falas
• Ilaçet për dializë e tumore, KLSH: Në QSUT, pacientët s’kanë marrë në kohë mjekimin