‘Rithemelimi’: Alibeaj nuk mund të mbledhë deputetë në emër të PD-së

Anëtari i Komisionit të Rithemelimit, Eno Bozdo thotë se Enkelejd Alibeaj nuk mund të mbledhë deputetë në emër të Partisë Demokratike, pasi këtë tagër e ka Këshilli Kombëtar.

Mbledhja që Alibeaj ka thirrur sot për të diskutuar procedurën për zgjedhjet e kreut të shtetit, Bozdo e cilëson si një skenar të kryeministrit Edi Rama, i cili synon një opozitë të kapur dhe në kundërshtim me interesat e shqiptarëve.

Lidhur me platformën e propozuar nga disa deputetë demokratë për zgjedhjen e presidentit, Bozdo tha se në të janë kriteret e vendosura nga Rama.

Sipas Bozdos, Rama do të deklarojë se zgjedhja e presidentit ishte konsensuale, por shtoi se opozita është Partia Demokratike dhe jo një individ.

Takimi i deputetëve demokratë të Grupit Parlamentar është njoftuar sot në orën 14:00.

LEXONI GJITHASHTU

• Kriteret për presidentin, Alibeaj mbledh Grupin Parlamentar të PD-së
• Presidenti i ri, Gjiknuri: PD të sjellë emra, kandidat pa ambicie politike