RMV përkujton hyrjen në NATO, Osmani: Integrimi në BE rrit sigurinë

4 Prill 2022 | 19:12

Dita e anëtarësimit në NATO të Maqedonisë së Veriut u përkujtua me mesazhe që dënojnë agresionin rus në Ukrainë dhe bëjnë thirrje për përfundimin e luftës.

Kryeministri Dimitar Kovaçevski, e quajti pushtimin rus si të paligjshëm duke i bërë thirrje që të tërheqë trupat ushtarake.

 “I bëmë thirrje Rusisë që të ndërpresë menjëherë armiqësitë dhe të tërheqë të gjitha trupat dhe objektet ushtarake nga Ukraina”. tha ai.

Ministri i Jashtëm, Bujar Osmani, i cili organizoi një mëngjes pune për ambasadorët e vendeve të NATO-s, rikujtoi rëndësinë e integrimit sa më të shpejtë të vendit në BE.

“Situata e jashtëzakonshme në kontinentin evropian tregon se zgjerimi i BE-së është në radhë të parë politikë sigurie. Përshpejtimi i procesit integrues të vendeve të Ballkanit Perëndimor është thelbësore për ruajtjen e sigurisë së Evropës”, tha Osmani.

Ministri i Jashtëm i RMV theksoi se pushtimi rus ndaj Ukrainës, kontribuoi për forcimin e unitetit të vendeve anëtare dhe për ta thelluar bashkëpunim që do ndihmojë planet e ardhshme për përforcimin e mbrojtjes së NATO-s.

Që prej vitit 2020, Maqedonia e Veriut është anëtare e Aleancës së Traktatit të Atlantikut të Veriut.

Home Kryefaqja
Shiko në: YouTube
Lajme të Sugjeruara

“One stop”, nënshkruhet marrëveshja me Maqedoninë e Veriut për zbatimin e kontrolleve të përbashkëta 

Ministri i Brendshëm, Besfort Lamallari këtë të shtunë dhe homologu i tij në në Maqedoninë e Veriut, Pançe Toshkovski nënshkruan në Peshkopi Marrëveshjen për vendosjen...
16:15 | 27/06/2026

Gjykata Kushtetuese heq emrat shqiptarë të rrugëve në qytetin e Tetovës

Vendimi është miratuar me pesë vota “për”, ndërsa kundër votuan dy gjyqtarët shqiptarë dhe gjyqtari që përfaqëson komunitetin turk në Gjykatën Kushtetuese. Gjykata Kushtetuese e...
19:34 | 18/06/2026

Debate në Kuvendin e RMV për ligjin e përfaqësimit të drejtë dhe adekuat

Debate të ashpra kanë karakterizuar punimet në Kuvend gjatë shqyrtimit në lexim të parë të ligjit për Përfaqësim të Drejtë dhe Adekuat. Opozita shqiptare ka...
20:07 | 16/06/2026