Dy herë fitues i çmimit “Oskarit”, aktori Robert De Niro, i konsideruar si një nga më të mirët në botë do të nderohet me Palmën e Artë për karrierën në Festivalin e 78-të të Filmit në Kanë.

Aktori njihet për përgatitjen intensive për secilin rol dhe për t’u zhytur thellë për të transformuar veten, si për shembull në filmin “Taxi Driver”, apo në rolin e veteranit të zhgënjyer nga lufta e Vietnamit në filmin “The Deer Hunter” dhe ish-të dënuarin hakmarrës në “Cape Fear”.

Gjatë dekadave ai ka punuar rregullisht me Scorsese-n, të dy kanë realizuar disa filma duke filluar nga “Mean Streets” i vitit 1973, ku De Niro luan rolin e mafiozit të vogël Johnny Boy. Filmi i solli mundësi të shkëlqyera në karrierë dhe bashkë me Scorsese-n filmat klasikë “Goodfellas” dhe “Raging Bull” si dhe filmin e fundit tepër të suksesshëm si “The Irishman”.

De Niro u shfaq së fundmi në tapetin e kuq të Kanës për rolin e tij në filmin “Killers of the Floëer Moon” të regjisorit Martin Scorsese.

Aktori amerikan ka qenë i përfshirë edhe në prapaskenat e festivalit prestigjioz të Kanës, duke qenë anëtar i jurisë në vitin 2011.

Festivali i 78-të i Filmit në Kanë fillon më 13 maj dhe do të zgjasë deri më 24 maj.

LEXONI GJITHASHTU:

• Robert De Niro hap dy hotele luksoze në Bullgari
• De Niro paditet nga asistentja për abuzim verbal, rrezikon 12 mln dollarë