Robert De Niro hap dy hotele luksoze në Bullgari

Marka e hoteleve, restoranteve dhe rezidencave luksoze amerikane Nobu Hospitality, në pronësi të aktorit Robert De Niro, do të hapë dy hotele në Bullgari.

Kjo kompani u themelua në vitin 1994 nga De Niro, kuzhinieri i famshëm Nobu Matsuhisa dhe producenti i filmit Meir Teper, njoftoi bTV bullgar.

Hotelet “Nobu Hospitality” do të hapen në Sofje dhe Varna dhe siç thekson kompania në faqen e saj, këto objekte do të lënë gjurmë të rëndësishme në Ballkan.

Hoteli dhe restoranti i parë i kësaj marke do të jetë i vendosur në qendër të Sofjes, ndërsa i dyti në bregun e Detit të Zi në Varna, njofton agjencia bullgare Trud.

“Nobu Hotel and Restaurant Sofia do të zbukurojë zemrën e një prej kryeqyteteve më të vjetra të Evropës, ai do të vendoset në ndërtesën historike të Bankerit pranë Teatrit Kombëtar Ivan Vazov dhe i rrethuar nga butikë, galeri arti dhe monumente të mëdha historike”, thuhet në faqen e internetit të kompanisë.

Ndërtesa pas Teatrit Kombëtar në Sofje u ndërtua në vitin 1912 dhe deri vonë ishte një bankë, prej nga vjen emri Ndërtesa e Bankierit, përpara se të rinovohej në vitin 2022.

LEXONI GJITHASHTU:

• Ish-asistentja e De Niro fiton gjyqin, kompania e aktorit do paguajë miliona dollarë
• Reagimi epik i De Niro kur mësoi se Al Pacino do bëhet baba në moshën 83-vjeçare