“Roboti na priti, na foli dhe na shërbeu në restorant”- gazetari tregon nga Kina

Teknologjia po bëhet e paparashikueshme dhe madje aq e përsosur sa po i merr njerëzve vendet e punës.

Një sërë profesionesh po zëvendësohen nga robotika dhe madje duke pasur më pak kosto dhe më shumë efikasitet.

Gazetari Edison Myrteza tha në një lidhje nga Kina me emisionin Good Morning Albanians në Euronews Albania, se robotët në këtë vend po përdoren gjerësisht në të gjitha shërbimet.

“Prej shumë vitesh Kina dhe vendet aziatike kanë hequr dorë nga njerëzit për të futur robotë në çdo sektor, që nga prodhimi i makinave deri në bujqësi. Para disa ditësh kur shkova për të darkuar me miqtë e mi dhe roboti ka qenë në hyrje të restorantit, na ka përshëndetur. E kemi pyetur ku do shkojmë, na ka shoqëruar, ka marrë porositë. Ishte njësoj si të flisje me një njëri. Nuk kishte asnjë kamarier që shërbente, ishin të gjithë robotë”, tregoi gazetari.

LEXONI GJITHASHTU:

• Robotët po na marrin vendet e punës
• Rrobotët së shpejti në ndihmë të individëve që ecin me karrige me rrota