Roland Bimo: SHBA-të dhe Izraeli janë bashkë, ja si duhej vepruar në këtë fazë lufte

Ish-ambasadori Roland Bimo ka komentuar zhvillimet më të fundit në Lindjen e Mesme, duke analizuar situatën në Gaza pas fjalimit të kryeministrit izraelit Benjamin Netanyahu në Asamblenë e Përgjithshme të OKB-së.

Bimo theksoi se një përqindje dërrmuese e shoqërisë izraelite mbështet operacionet ushtarake në Gaza, ndërsa la hapësira për pikëpyetje lidhur me  iniciativat për paqe .

“85% e shoqërisë izraelite po përkrah atë që po ndodh në Gaza. Nëse dikush ka arritur në konkluzionin që po ushtrohet gjenocid, po ndodh me 85% të popullsisë.

Të gjitha iniciativat për paqe janë të dyshueshme. Trump deklaruar se nuk do lejojë aneksimin e Bregut Perëndimor. Ndërkohë deklarata e Trump përkoh pak a shumë në të njëjtën kohë me fjalimin e kryeminitrit izraelit në OKB që shpalosi planin  e vet se si e mendon ai të ardhmen e atij vendi, pra që nuk përputhet me planin e SHBA-ve, tha Bimo.

Ish ambasadori shtoi se qëndrimet e SHBA-ve dhe Izraelit nuk duken të harmonizuara, duke e bërë situatën edhe më të paqartë.

“Në këtë ndërmarrje, për mirë apo për keq, jemi të prirur të besojmë që SHBA-të janë bashkë me Izraelin. Të paktën duhej të kishte një harmonizim të qëndrimeve në këtë moment të luftës. Duket që nuk ka ose lejohet që të vazhdohet kjo situatë”, u shpreh ish-ambasadori Bimo.

LEXONI GJITHASHTU:

• Profesori izraelit nga Jerusalemi: Po na gjuajnë me raketa, lufta është mbrojtje
• VIDEO/ Netanyahu lexon fjalimin në OKB, boshatiset salla nga përfaqësuesit