Paraqitjet e tij me Spanjën apo Barcelonën mahnitën gjithë botën e futbollit, e për meritë triumfoi në garën për topin e artë për moshën deri 21 vjeç, i njohur ndryshe me emrin trofeu Kopa. Bëhet fjalë për Lamine Yamal, një fenomen në futbollin evropian, ku që në moshën 17-vjeçare u shpall kampion Evrope me La Furia Roja. Në garën për trofeun Kopa u vlerësua më shumë nga të gjithë, por për çudi kishte dhe nga ata të cilët nuk i dhanë pikët e plota Yamal.
Njëri prej tyre ishte fenomeni i Brazilit, Luiz Nazario De Lima Ronaldo, një ikonë e futbollit latin. Sipas tij, vendi i parë i takonte Savinhos, sulmuesit të Manchester City-t, e më pas Yamal. Kjo përzgjedhje nuk kaloi pa marrë vëmendjen mediatike, pasi talenti blaugran po mbyll një vit perfekt në karrierë, madje duke vijuar shkëlqimin e tij, që duket se do ta shoqërojë gjatë.
22 vota nga 23 të mundshme mori Yamal, pasi në bazë të rregullores, për trofeun Kopa votojnë vetëm fituesit e Topit të Artë, ku mes tyre ishte dhe fenomeni brazilian, i cili ka fituar trofeun e më të mirit në 2 edicione, por duke u joshuar nga bashkëkombësi i tij në garën e fundit dhe votuar atë maksimalisht.
LEXONI GJITHASHTU:
- 250 mln euro për Yamal, Laporta refuzon ofertën për spanjollin
- Babai i yllit të futbollit spanjoll, Yamal, goditet me thikë në parkingun e makinave
