Rrëmbimi i policëve në Kosovë, Kurti: Kemi rritur nivelin e gatishmërisë

Kryeministri i Kosovës, Albin Kurti ka bërë të ditur se janë shtrënguar kontrollet kufitare me Serbinë, ndërsa theksoi se “synimi ynë është siguria, e siguria fillon te kufijtë”.

“Për arsye të sigurisë, si hap i menjëhershëm dhe i domosdoshëm janë shtrënguar kontrollet kufitare me Serbinë, duke kufizuar qarkullimin dhe duke shtuar kontrollet ndaj automjeteve që vinë nga Serbia, sidomos ato transportuese”, tha Kurti në një konferencë për mediat pas mbledhjes së Këshillit të Sigurisë.

Duke kërkuar lirimin e menjëhershëm të zyrtarëve policorë “të rrëmbyer”, Kurti u bëri thirrje faktorit ndërkombëtar për të dënuar veprimet e Serbisë, dhe tha se është “i habitur nga heshtja e tyre”.

“Rasti i djeshëm ishte agresion ndaj shtetit tonë demokratik, hakmarrje ndaj Policisë së Kosovës që po lufton krimin dhe intencë për eskalim dhe destabilizim në kohën kur ne tashmë kemi propozuar planin 5-pikësh për de-përshkallëzim dhe stabilizim”, tha kryeministri.

LEXONI GJITHASHTU:

• Rrëmbimi i policëve, Kurti: Pse nuk del KFOR të japë shpjegim, gjurmët që u gjetën
• Gazetari: Rrëmbimi i policëve, hakmarrje e Vuçiç ndaj Albin Kurtit