Rrëshqitje e rrugës në Dardhas, 6 fshatra mbeten të izoluar në Pogradec

Për shkak të rreshjeve të shumta dhe prurjeve të mëdha gjatë natës së djeshme, ku kanë vazhduar edhe ditën e sotme, situatë është paraqitur e rënduar në Dardhas të Pogradecit si pasojë e rrëshqitjes së rrugës.

Për pasoj njësia dhe 6 fshatra të saj janë të izoluar për të lëvizur me mjete. Në një gjatësi prej gati 50 m ka rrëshqitje masive si pasojë e depërtimit të ujit dhe shkarjes së masive të dheut në të dyja anët.

Banorët janë të detyruar të kalojnë në këmbë ndërsa në rast emergjencash nuk mund të kalojë asnjë lloj mjeti. Ndërkohë, po punohet për të sjellë një eskavstor qafë gjatë që të bëjë pastrim dhe hapje të një korsie të re për kalimin e mjeteve. Bashkë me rrugën kanë rrëshqitur edhe disa varre të vjetra të fshatit.

Një emigrant ka mbetur i bllokuar, ai ishte nisur për të ikur në shtëpi e në pas në greqi por tashmë nuk ka ku kalon, rrezikon punën ndërsa fëmijët shkollën.