Rreshterja e ushtrisë: Nuk e kam problem të bëj duart pis dhe të rregulloj makinat

Rreshtere Entela Troqe e Forcave të Armatosura të Republikës së Shqipërisë është nga ato vajza që çdo ditë e kalon me makinat e forcës tokësore, në një pozicion që gjithmonë është konsideruar si një punë burrash por që ajo e ka me shumë pasion gjetjen e defekteve të makinave të FA dhe rregullimin e tyre.

Në një intervistë për Euronews Albania, ajo tha se nuk është ndjerë e paragjykuar në punën e saj ndërsa shtoi se ka shumë bashkëpunim me kolegët.

Ndër të tjera ajo theksoi se nuk e ka problem që të bëjë duart pis.

“Vërtetë mund të mendohet si punë për meshkuj apo punë e vështirë por jo unë them se e kam gjetur veten shumë e mirë. Gjëja kryesore që jemi në Forcat e Armatosura është bashkëpunimi dhe në asnjë moment nuk të bën askush të ndihesh e paragjykuara. Në fillimet e mia merreshe me dokumentacionin.  Më pas u mora me rregullimin e makinave. Nuk e kam problem  t’i bëjë duart pis”- tha ajo.

LEXONI GJITHASHTU: 

• “Pyes Lotin” hiqet nga YouTube për herë të dytë
• Rreshterja që prej 20 viteve rregullon makinat e Forcave të Armatosura