English

Rrëzimi i avionit ‘MH17’, dënohen me burgim të përjetshëm 2 rusë dhe 1 ukrainas

KOMENTE

SHPERNDAJE
ARTIKULLIN

Text sizeAa Aa

Drejtësia holandeze dënoi të premten me burgim të përjetshëm 3 nga 4 të akuzuarit për rrëzimin e një avioni me pasagjerë holandezë në vitin 2014, në lindje të Ukrainës.

- Advertisement -

Të gjykuar në mungesë, shtetasit rusë Igor Gurkin, Sergei Dubinsky dhe ukrainasi Leonid Kharçenko u shpallën fajtorë, ndërsa shtetasi tjetër rus Oleg Poulatov, i vetmi i përfaqësuar në gjyq, u shfajësua për mungesë provash.

Tre të parët luajtën një “rol kyç” në vendosjen e raketave të llojit “BUK”, e përdorur për të rrëzuar avionin civil, që u ngatërrua me një mjet ajror ushtarak.

Të dënuarve do t’u duhet t’u paguajnë edhe 16 milionë euro familjeve të viktimave dhe kanë 14 ditë për të apeluar vendimin.

Moska, që ka refuzuar të ekstradojë të pandehurit, premton se do studiojë verdiktin.

“Për momentin mund të them se do ta ekzaminojmë vendimin, sepse çdo nuancë e kësaj çështjeje ka rëndësi. Më pas do të bëjmë një koment”, u shpreh Ivan Nechaev, Ministria e Jashtme ruse.

Rrëzimi i avionit me numër fluturimi “MH17” më 17 korrik të 2014-s tronditi botën. Ai ishte nisur nga aeroporti holandez i Shipholit me destinacion Kuala Lumpurin, në Malajzi. Shumica e 298 viktimave ishin shtetas holandezë, por edhe malajzianë e australianë.

Pas vitesh të tëra hetime, analizash të mbetjeve të raketës dhe përgjimit të komunikimeve mes të dyshuarve, gjykata ka arritur në përfundimin se veprimet e tyre ishin kryer në koordinim me Moskën dhe se Rusia u kishte ofruar mbështetje rebelëve në lindje të Ukrainës.

LEXONI GJITHASHTU

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×