Gjykata e Posaçme e Shkallës së Parë për Krime të Rënda (GJKKO) ka rrëzuar kërkesën e Arjola Xoxës, bashkëshortes së kryebashkiakut Erion Veliaj, për kthimin e sendeve të sekuestruara gjatë kontrolleve të SPAK në banesën dhe biznesin e saj.
Seanca nisi në orën 10:00 dhe u shqyrtua nga gjyqtarja Atalanta Zeqiraj, e cila firmosi dy javë më parë kontrollet, të cilat ishin kërkuar nga SPAK.
Ndërkohë, seanca vijon për kërkesën e Arber Veliajt, vëllai i kryebashkiakut, për kthimin e sendeve të sekuestruara nga SPAK.
Kontrollet u ushtruan dy javë më parë me urdhër të prokurorit Ols Dado, ku agjentët e BKH sekuestruan celularin e Ajola Xoxës, si dhe ushtruan kontrolle në qendrën “Harabel”, ku Xoxa është bashkëthemeluese.
Veprimet e organit të akuzë vijnë pas nisjes së hetimit pasuror për kryebashkiakun dhe familjarët e tij.
LEXONI GJITHASHTU:
- Reagon Veliaj: Jam i hapur ndaj drejtësisë, opozitarët të zhytur në llum
- Veliaj në SPAK/ Karamuço: Ja çfarë pritet tjetër nga hetimet
