Ligjvënësit francezë kanë votuar për rrëzimin e Qeverisë së kryeministrit, Michel Barnier, vetëm tri muaj pasi ai mori pushtetin.
Pas kalimit të mocionit të mosbesimit ndaj Qeverisë është thelluar kriza politike në Francë.
Qeveria e kryeministrit Michel Barnier, është para që shkarkohet përmes mosbesimit në 60 vjetët e fundit.
Para votimit, në një intervistë televizive të martën, Barnier kishte deklaruar se ende besonte që Qeveria e tij mund t’i mbijetojë mosbesimit.
Por, partia e ekstremit të djathtë, Tubimi Kombëtar (RN), e bëri të qartë të mërkurën në mëngjes se do të votojë së bashku me partitë majtiste për ta rrëzuar Qeverinë.
Qeveria e Barnier u rrëzua me 331 vota që mbështesin mocionin e censurës ndërkohë që kërkohej një shumicë prej 288 votash.
73-vjeçari ka qëndruar vetëm 91 ditë në detyrë, ndërsa qeveria e tij, e përbërë nga ministra të qendrës dhe të djathtë, shërbeu vetëm 74 ditë.
Qeveria e Barnier, e para që u rrëzua nga një mocion censure në më shumë se 60 vjet – u bë objektivi i dy votave të veçanta të mosbesimit të hënën pasi përdori nenin 49.3 të kushtetutës për të anashkaluar një votë parlamentare dhe për të përshkuar sigurimet e saj shoqërore.
LEXONI GJITHASHTU:
