Rriten rastet me “stroke”, mjekja:10 shtrime në ditë, në reanimacion ka edhe të rinj

Mesatarisht çdo ditë në urgjencën e qendrës spitalore universitare Nënë Tereza paraqiten 10 raste me ishemi ose hemoragji të trurit. Në një intervistë për Euronews Albania neurologia Entela Basho, rrëfen se rastet kane ardhur ne rritje dhe mes pacientëve në reanimacionin e dedikuar për strok ka edhe mosha të reja.

“Si sëmundje është moshës së tretë por ka dhe mosha të reja, duke nisur që nga mosha 30 -35, 40, aktualisht kemi 27 vjeç, 40 dhe 45 vjeçar të shtruar me faktor rrisku hipertensionin , diabetin”,-tha Entela Basho neurologe, QSUT.

Bllokimi I një ene gjaku në tru con në ishemi ndërsa carja e saj në hemoragji. Në të dyja rastet janë mjekët referojnë se disa shkaktarë.

“Aksidentet vaskulare ndahen ne ishemike apo hemoragjike ku ishemiket zënë gati 85% të rasteve dhe 15% e zënë hemoragjiket, janë sëmundje që kanë factor risku ku të para rendite crregullimet e zemrës, hipertensioni, diabeti, duhan pirja dhe akooli janë faktor risku që mund të cojnë në aksidente vaskulara”,-tha tha Entela Basho neurologe, QSUT.

Ishemitë dhe hemoragjitë japin disa sinjale që në fillim.

“Shenjat mund të jenë, problem të shikimit, humbje të pamjes, paralizë të dorës këmbës, problem te ekuilibrit, patologji që janë të rëndësishme pasi lënë invaliditet të zgjatur”,-tha tha Entela Basho neurologe, QSUT.

Koha e mbërritjes në spital është vendimtare për ecurinë e një aksidenti cerebro-vaskularë. Mjekët thonë se reagimi në 4 orët e para, bën që pacienti të mos ketë pasoja afatgjata.

LEXONI GJITHASHTU:

• Kosova kalon me sukses fazën e parë të anëtarësimit në Këshillin e Evropës
• 5 shkolla të reja në Tiranë, Veliaj: Pas zgjedhjeve çelim garën