Rriten shtrimet në spitalet publike, ulen kontrollet për parandalimin e kancerit

Shtrimet në spitalet publike janë rritur me 5% në vitin 2024, duke arritur një total prej 322,025 shtrimesh, krahasuar me 307,808 që ishin regjistruar në vitin 2023.

Ky trend rritjeje është evidentuar në raportin e Ministrisë së Shëndetësisë, që thekson një fluks të shtuar pacientësh në spitalet publike.

Megjithatë, disa reparte kanë shënuar rënie. Shtrimet në spitalet psikiatrike, për shembull, kanë pësuar një ulje të ndjeshme, duke rënë nga 1,647 në 1,096 shtrime.

Po ashtu, repartet e kardiologjisë dhe kardiokirurgjisë kanë regjistruar një ulje prej 4%, duke kaluar nga 10,435 shtrime në 10,014.

Një tjetër shqetësim është rënia e shtrimeve të grave për kontrollet e kancerit të gjirit, nga 5,123 në 3,700, si dhe ulja e pacientëve që kanë nevojë për radioterapi, nga 26,686 në 25,091.

LEXONI GJITHASHTU:

• Një grua dhe një e mitur përfundojnë në spital, dyshohet për mbidozë medikamentesh
• 75-vjeçari humb jetën pasi hidhet nga lartësia te “Shefqet Ndroqi”, reagon spitali