Kreu i juntës së Mianmarit, gjenerali Min Aung Hlaing, njoftoi se numri i viktimave nga tërmeti shkatërrues në vend është rritur. Numri i viktimave ka shkuar mbi 1 mijë, ndërkohë që 2,376 persona të tjerë kanë mbetur të plagosur.
Në një fjalim televiziv, lideri i Mianmarit paralajmëroi se bilanci i viktimave mund të rritet, pasi tërmeti ka shkaktuar dëme të mëdha në infrastrukturë.
Ai gjithashtu bëri thirrje për ndihmë ndërkombëtare, pasi operacionet e kërkim-shpëtimit po vazhdojnë në rajonet e prekura.
Ndërkohë, edhe në Tajlandë, të paktën gjashtë persona kanë humbur jetën, ndërsa 117 të tjerë janë bllokuar ose konsiderohen të zhdukur, pasi një ndërtesë e lartë u shemb në Bangkok pas tërmetit të fuqishëm me magnitudë 7.7 ballë, që kishte epiqendrën në rajonin Sagaing të Mianmarit.
Sipas Shërbimit Gjeologjik të SHBA-së, tërmeti fillestar u pasua nga një lëkundje tjetër me magnitudë 6.4, vetëm 12 minuta më vonë.
LEXONI GJITHASHTU:
- Pamjet/ Tërmet 7.7 Rihter në Myanmar, raportohet për dëme të shumta materiale
- Gazetarja nga Bangkoku rrëfen për Euronews Albania tmerrin e tërmetit 7.7 ballë
