Rritet buxheti për Ministrinë e Shëndetësisë, në 2025 më shumë para për kujdesin

Ministria e Financave ka parashikuar 80,7 miliardë për shëndetësinë në vitin 2025 nga 77,9 miliard që ishte në vitin 2024.

Sipas të dhënave nga Ministria e Financave shpenzimet buxhetore në 2025 arrijnë në 822 miliardë lekë dhe buxheti për Ministrinë e Shëndetësisë është projektuar sa 9.8 % e shpenzimeve të përgjithshme.

Por si do të shpërndahen këto para në sistem.

Ajo që vihet re është se afro gjysma e buxhetit, pra  39,4 miliard do të shkojnë për shërbimet e kujdesit dytësor, apo e thënë ndryshe për spitalet, buxheti për to ka njohur rritje me 6, 81%.  Në 2025, një vëmendje e veçantë i është dhënë shërbimit parësor, i cili ofrohet nga mjekët e familjes dhe të specialiteteve në poliklinika, ku nga viti 2024 në 2025 buxheti për to rritet me 29,75%. Rritje të buxheti ka edhe për shëndetin publik i cili fokusohet në promocionin dhe parandalimin e sëmundjeve.

Nga buxheti i shëndetësisë, përkujdesi social do të marrë 27,5 miliard lekë, fond i cili vjen në ulje me 7,26% nga viti 2024.

LEXONI GJITHASHTU:

• Buxheti për 2025-ën do të jetë 8.2 miliardë euro: Ulet borxhi, shtohet administrata
• Bonusi i bebes, ndahen 6 mln euro më pak se plani nga buxheti i shtetit