Familjet dhe bizneset në Shkodër e Gjirokastër do të përballen me çmime të rritura në faturat e ujit. Vendimi i Entit Rregullator cakton çmim deri në  60 lekë/m3 në këto qarqe.

Çmimi i ujit do të rritet në dy qarqe të vendit duke nisur nga janari 2025. Enti Rregullator i Ujit ka miratuar kërkesën e dy shoqërive në Shkodër dhe Gjirokastër dhe ndryshimet do të prekin si familjarët, ashtu edhe bizneset e institucionet publike.

Rritja nuk do të jetë e njëjtë në bashkitë e secilit qark, edhe pse menaxhimi ka është në varësi të një shoqërie brenda rajonit. Kështu, në Shkodër, në Malësinë e Madhe dhe Vaun e Dejës një metër kub për familjarët, do të kushtojë 55 lekë, lekë nga 40 deri në 50 që është sot, në secilën bashki.

Ndërkohë në Pukë dhe Fushë Arrëz, çmimi i miratuar nga ERRU do të jetë 40 lekë/m3.

Edhe në Gjirokastër, është miratuar një praktikë e ngjashme, ku familjet do të paguajnë sipas bashkive një çmim 50 lekë/m3, me rritjen që varion nga 8 në 50%.

Edhe tarifa fikse që paguhet për çdo faturë, ka pësuar rritje në vlerën 200 lekë në këto shoqëri.

LEXONI GJITHASHTU:

• A është rritur çmimi i bukës në Tiranë? Autorriteti i Konkurrencës nis monitorimin
• OSHEE: Rritja e çmimit të bukës abuzive, energjia për furrat e bukës s’është rritur