A është rritur çmimi i bukës në Tiranë? Autorriteti i Konkurrencës nis monitorimin

Çmimi i bukës në Tiranë mbetet i pandryshuar, sipas një vëzhgimi të realizuar nga Euronews Albania. Qytetarët e pyetur deklaruan se çmimet që paguajnë për bukën që konsumojnë kanë mbetur të njëjta. Ky konstatim i qytetarëve hedh poshtë lajmet për një rritje të çmimit të bukës, duke e cilësuar lajmin si të pavërtetë.

“Jo nuk është rritur çmimi i bukës”, deklaruan për Euronews Albania qytetarët.

Autoriteti i Konkurrencës ka njoftuar se do të nisë një monitorim për furrat dhe subjektet e tjera që mund të abuzojnë me çmimin e bukës, duke premtuar se do të hetojë për abuzime të mundshme me çmimet.

Në lidhje me kostot e energjisë, OSHE ka sqaruar se nuk ka ndryshuar tarifa për furrat e bukës, duke hedhur poshtë zërat për një rritje të çmimit të energjisë që prek këtë sektor. Skema e faturimit të energjisë për këto biznese është në fuqi që nga muaji prill dhe u dakordësua paraprakisht me përfaqësuesit e industrisë së furrave.

Për sa i përket fashës së orarit të pikut, Enti Rregullator i Energjisë ka përcaktuar këtë fashë që prej vitit 2016. Aktualisht, nga të gjitha furrat në Shqipëri, vetëm 194 subjekte janë të detyruara të respektojnë këtë tarifë në orarin e pikut.

LEXONI GJITHASHTU:

• OSHEE: Rritja e çmimit të bukës abuzive, energjia për furrat e bukës s’është rritur
• Sistemi i ri i pagave në OSHEE, Balluku: Do të konsiderohet vjetërsia në punë