Rritet vdekshmëria, Dasho: Ndër shkaqet, COVID dhe pasojat afatgjata të virusit

Numri i vdekjeve të regjistruara në Shqipëri gjatë vitit 2021, është 30.507, duke shënuar një rritje prej 10,5 % vdekje më shumë, krahasuar me vitin paraardhës.

Referuar shkakut kryesor të vdekjeve, peshën më të madhe e zënë “shkaqet natyrale” me 97,3 %.

Epidemiologu Erion Dasho tha për emisionin “Mirëmëngjes” në “Euronews Albania” se edhe pandemia ka ndikuar në rritjen e numrit të vdekjeve.

Sipas tij, numri i vdekjeve akute, pra nga vetë covidi është më i lartë se vdekjet e shkaktuara si pasojë e komplikacioneve nga pasojat afatgjata që lë virusi, siç quhet ndryshe post covid.

“Të gjitha studimet që janë kryer në dy vitet e pandemisë në të gjitha vendet e botës nga institucione shumë prestigjoze, konkludojnë se rritja e vdekshmërisë, që është një fenomen ndërkombëtar, i dedikohet vdekjeve nga covid. Nëse flasim për Shqipërinë, ku në dy vitet e pandemisë kemi rreth 12 ose 13 mijë vdekje shtesë, vdekjet që i atribuohen pandemisë janë 16 mijë” tha Dasho ndër të tjera.

LEXONI GJITHASHTU

• Qentë zbulojnë rastet e COVID me aq besueshmëri sa testet PCR
• Njerëzit me alergji ndaj ushqimeve, më pak të prirur për t’u infektuar me COVID