Rritja e pagave në prag fushate? Rama: Tani kishim mundësi, tani e bëmë

Kreu i qeverisë Edi Rama, tha se rritja e pagave u bë në bazë të mundësisë, kur u pyet se përse pagat nuk u rritën më parë por tani që është prag fushate.

Në një deklaratë për mediat pas mbledhjes së qeverisë, Rama tha se nuk kanë nevojë që të bëjnë fushatë për të fituar zgjedhjet ndërsa shtoi se një pjesë të fondeve që u janë dhënë për fushatë do të mbjellin pemë.

“Rritja e pagave nuk është sipas dëshirës dhe as sipas kalendarëve elektoral, por është sipas mundësive. Kjo është koha që janë krijuar mundësitë dhe nuk ka lidhje me fushatën elektorale. Ne nuk kemi nevojë të rrisim pagat për të fituar zgjedhjet. Ne në këtë fushatë do të mbjellim pemë me një pjesë të fondeve të fushatës elektorale. Të lëmë pas fushatës mbrapa mijëra pemë, në vend që të mërzisim njerëzit me përplasje”- tha Rama.

LEXONI GJITHASHTU: 

• “Një ekip afatgjatë do të qëndrojë këtu”- Glover zbulon masat e ODHIR për zgjedhjet
• Rama tregon si do e nxisin sektorin privat për të rritur pagat mesatare