“Rritja e pagave për mjekët, jo për fushatë, ka qenë e programuar”- flet Rakacolli

Zv/ministrja e Shëndetësisë Mira Rakacolli është shprehur se rritja e pagave të mjekëve nuk vjen për shkak të fushatës zgjedhore.

Në një intervistë për Euronews Albania, Rakacolli nënvizoi se rritja e pagës është pjesë e politikave që ka ndjekur qeveria për të mbajtur mjekët në vend.

“Politikat tona në mbajtjen e mjekëve në vend janë më tepër se sa vetëm elementi i pagë. Janë krijuar kushte shumë më të mira pune, që janë dhe në infrastrukturë. Në këto 10 vite janë mbi 20 spitale  që janë ndërtuar  dhe rikonstruktuar. Ka pasur investime dhe për aparatura. Paga është një element i rëndësishëm që ndikon në qëndrimin e mjekëve në vendin tonë. Rritja e pagës së mjekëve është në vazhdimësi të politikave që ka marrë qeverie në këto vitet e fundit. Brenda 5 vitesh janë rritur 3 herë pagat”- tha ajo.

LEXONI GJITHASHTU: 

• Haliti: Krerët e UÇK në Hagë po trajtohen mirë, komunikojnë përditë me familjen
• Spanja s’e ndryshon qëndrimin për Kosovën, kërkon zgjidhje përmes dialogut