Mjeku  Besnik Jakaj renditi në Euronews Now me Erla Mëhillin tre arsyet kryesore se përse niveli i vdekshmërisë është shumë i lartë, krahasuar me numrin e popullsisë, duke ju referuar të dhënave të Censusit të fundit.

“Shpopullimi bën plakjen e popullsisë. Pastaj me këtë numër popullsie të plakur , rritet edhe niveli i vdekshmërisë. Veç kësaj, është edhe sistemi shëndetësor dhe mënyra e jetesës. Në vendin tonë është rritur varfëria, është ulur mirëqenia ekonomike dhe është përkeqësuar shërbimi shëndetësor.” –tha

Në vijim mjeku sqaroi se me plakjen e popullsisë, me kalimin e kohës do të duhen më tepër shpenzime sa i përket sistemit shëndetësor.

Duke ju referuar dyshimeve të hedhura nga opozita lidhur me vërtetësinë e shifrave të popullsisë, të publikuar nga Censusi i fundit, mjeku sqaroi se pavarësisht numrit të popullsisë, vdekshmëria ngelet po prapë në nivele shqetësuesë për vendin tonë.

“Disa drejtues të opozitës kanë thënë se shifrat nuk janë të sakta. Ama është tjetër gjë vdekshmëria për 1000 banorë nga 2,4 milionë banorë dhe tjetër nëse vdekshmëria është 1000 banorë për 1,4 në total. Prapë është fenomen shqetësues.” –vazhdoi Jakaj më tej.

LEXONI GJITHASHTU:

• Gazetarja analizon shifrat: Ja qarqet që kanë numrin më të lartë të vdekjeve
• “Ka pasur ngatërresa me Censusin”, Hoxhë Kaloshi: Ja kush quhet mysliman