Gazetarja analizon shifrat: Ja qarqet që kanë numrin më të lartë të vdekjeve

Gazetarja Dorina Azo ishte këtë të mërkurë në “Now me Erla Mëhillin” në Euronews Albania ku ka bërë një analizë të rritjes së vdekshmërisë në vend sipas të dhënave të Censit të 2023.

Ajo tha se numri i lartë i vdekshmërisë vjen disa shkaqe si shpopullimi, rënia e lindshmërive dhe largimin e të çifteve të reja.

“E gjitha kjo ka të bëjë me rënien e numrit të popullsisë që ka ndodhur në gjithë qarqet e Shqipërisë përveç Tiranës, e cila ka patur një rritje me 2%, ndërsa gjithë qarqet e tjera kanë qenë me rënie. Këto shifra vijnë për shkak të shpopullimit, emigracionit të të rinjve, rënies së lindshmërive, largimin e çifteve të reja në emigrim, kjo ka rritur numrin e vdekjeve.

Nëse vdekjet për 1000 banor në numrin më të lartë ishin në qytetin Shkodrës, e cila ka pasur rënien më të madhe të popullsisë 28.3% krahasuar më Censin e 2011, gjithashtu në Kukës kemi rritje të vdekshmërisë, që gjithashtu ka pasur rënie të popullsisë me 27.3% ”,-tha gazetarja.

LEXONI GJITHASHTU:

• Rritja e shkallës së vdekshmërisë në Shqipëri, mjeku rendit 3 arsye
• “Mos ki frikë nga vota, dil para votave të popullit”, Çepani debat me Bylykbashin