Rritje rekord dhe sfida të reja 11.7 milionë vizitorë në 2024

Turizmi në Shqipëri ka shënuar një vit rekord gjatë vitit 2024, me 11.7 milionë turistë të huaj dhe mbi 3.8 miliardë euro të ardhura.

Rritja është reflektuar në të gjithë vendin nga bregdeti i Durrësit dhe Shëngjinit deri në zonat malore si Thethi dhe Valbona.

Investimet në këtë sektor janë intensifikuar, me mbi 128 milionë euro kredi të marra nga bizneset për të zgjeruar kapacitetet pritëse.

Megjithatë, zhvillimi i vrullshëm ka ekspozuar një sërë sfidash: mungesë infrastrukture, veçanërisht për furnizimin me ujë dhe energji, probleme me menaxhimin e mbetjeve dhe ndikime negative në jetesën e komuniteteve vendase, për shkak të rritjes së çmimeve dhe mungesës së rregullimit të tregut të qirasë.

Ekspertët paralajmërojnë se, pa një strategji të mirëfilltë dhe të qëndrueshme për turizmin, Shqipëria rrezikon të përballet me mbingarkesë, dëmtim të mjedisit dhe humbje të cilësisë së shërbimeve.

Zhvillimi duhet të balancohet me ruajtjen e natyrës dhe përfshirjen e komuniteteve lokale në përfitimet e turizmit.

LEXONI GJITHASHTU: 

• Rama: Projektet me arkitektë të huaj po tërheqin investitorë dhe nxisin turizmin
• Rama: Teoria se kemi prishur turizmin është kot, zaptimi është i papranueshëm