Rrumbullaku pas daljes nga SPAK: Kur të thërret drejtësia duhet të paraqitesh

Ish-drejtori i Policisë së Shtetit Muhamet Rrumbullaku është paraqitur të enjten në SPAK.

Burime pranë SPAK bëjnë me dije se Muhamet Rrumbullaku është marrë në pyetje për transferimin e një oficeri të AMP në Berat.

Ai është pyetur në cilësinë e personit që mund ta ketë dijeni nga prokurorja Doloreza Musabelli.

Transferimi i oficerit çoi në pezullimin nga detyra të drejtorit të AMP, Florjan Sulejmani.

Fillimisht çështja u hetua nga prokuroria e Beratit, dhe më pas i erdhi për kompetencë prokurorisë së Tiranës.

Në një prononcim për mediat pas daljes nga Prokuroria e Posaçme Rrumbullaku u shpreh: Kur te thërret drejtësia duhet të paraqitesh.