Rrumbullaku takon anti-drogën e Indonezisë, synimi rritja e bashkëpunimit

Drejtori i Përgjithshëm i Policisë së Shtetit, Muhamet Rrumbullaku dhe drejtues të tjerë të lartë në Drejtorinë e Përgjithshme, mirëpritën një delegacion me përfaqësues nga Bordi Kombëtar kundër Narkotikëve i  Indonezisë dhe nga Ambasada e Indonezisë.

Siç thuhet në njoftimin e policisë, vizita synoi të krijojë ura bashkëpunimi ndërmjet 2 agjencive.

Shkëmbimi i informacionit ishte një nga pikat kyçe që u vendos si formë për konsolidimin e marrëdhënieve dhe ndërveprimit.

“Gjatë takimit, Drejtori i Përgjithshëm i Policisë së Shtetit dhe kryetari i delegacionit, Drejtuesi I Bordit  Kombëtar kundër Narkotikëve i Republikës së Indonezisë z. Petrus R.Golose, shprehën gatishmërinë e 2 organizatave për të bashkëvepruar për betejat e përbashkëta, për të finalizuar operacione me impakt global, si dhe për të garantuar siguri publike për qytetarët e të dy vendeve. Policia e Shtetit dhe Bordi Kombëtar kundër Narkotikëve i Republikës së Indonezisë ndanë qëndrimin e njëjtë  kundër narkotikëve,” – u shpreh Rrumbullaku.

LEXONI GJITHASHTU:

• Rama përgëzon policinë për kapjen e zjarrvënësve, apel gjyqtarëve për dënime
• Tentuan t’u jepnin ryshfet punonjësve të policisë, procedohen dy shoferët në Tiranë