‘Rugova u harrua’, Haziri: Mbledhja e dy qeverive me karakter ceremonial

Nënkryetari i Lidhjes Demokratike të Kosovës, Lutfi Haziri komentoi mbledhjen e dy kuvendeve të Shqipërisë dhe Kosovës, një ditë më parë në Tiranë.

Në një intervistë për Euronews Albania, ai tha se mbledhjet e qeverive janë kthyer në ceremoniale, ndërsa shtoi marrëveshjet nuk zbatohen.

“Është hera e dytë që dy kuvendet mblidhen. Dje u bë me fjalime. Ne adresuam fjalën tonë në Kuvendin e Shqipërisë. Mbledhjet e qeverive po marrin një karakter ceremonial, por nuk po zbatohen marrëveshje.

Nuk duhet të frikësohemi me i parë shqiptarët të bashkuar vetëm formatit të BE-së ose në rrugën e aspiratën tonë drejt BE-së. Dallimet po vazhdojnë të na mbajnë në tavolinë.

Ne nuk po mundemi ende me vendos një kalendar kombëtar  funksional kulturor. Shqiptarët duhet të kenë një kalendar të përbashkët që të shënojnë aktivitetet kulturore kombëtare”- tha ai.

Ndër të tjera ai u shpreh se Ibrahim Rugova u përmend nga kryeministri Edi Rama, por jo nga kreu i qeverisë së Kosovës Albin Kurti.

“Rugova u përmend nga Rama, por nuk u përmend nga qeveria e Kosovës. U harrua nga Kryeministri I Kosovës dhe të tjerët”- shtoi ai.

LEXONI GJITHASHTU:

• Brukseli kundër politikave të Uashingtonit për energjinë e gjelbër
• Ministri Çeku: Kërcënimet ndaj meje, të nxitura nga mediat që kontrollohen nga Vuçiç