Ruhej në kushte të papërshtatshme mes minjve, AKU bllokon 52 ton miell

AKU ka bllokuar 52 ton miell të magazinuara jashtë kushteve të sigurisë ushqimore

Trupat inspektuese të Drejtorisë Rajonale Fier, kanë ushtruar kontroll në një magazinë ushqimore që ka si aktivitet ruajtje shpërndarje në temperaturë ambienti, të produkteve miell, makarona etj, pas një denoncimi të ardhur nga mediat.

“Gjatë ushtrimit të kontrollit trupat inspektuese konstatuan se subjekti nuk plotësonte kushtet e përgjithshme higjieno-sanitare, produktet ushqimore ruheshin jashtë kushteve të përshtatshme higjieno-sanitare, në ambientet e magazinimit u gjendën brejtës dhe shpendë.

Subjekti nuk implementonte sistemin e vetëkontrollit HACCP dhe kishte mangësi në sistemin e gjurmueshmërisë.”- thuhet në njoftim.

Gjithashtu janë vendosur  masat administrative me gjobë në vlerën e 700,000 lekëve.

Autoriteti Kombëtar i Ushqimit siguron konsumatorët, që do të vijojë pandërprerë kontrollet në të gjithë vendin, në garantim të sigurisë ushqimore.

LEXONI GJITHASHTU:

• “Simbol i humorit shqiptar”, aktorët homazhe për mjeshtrin e madh Zef Deda
• Agron Llakaj: Arti i Zef Dedës ka lënë të qeshurën mbrapa