Rusia të përballet me gjyq ndërkombëtar, thotë Zelenski

Presidenti ukrainas Zelenksi insiston që Rusia të mbajë “përgjegjësi”, duke thënë se Moska duhet të dalë përpara një gjykate ndërkombëtare, të ngjashme me atë të Nurembergut pas Luftës së Dytë Botërore.

Këtë deklaratë, Zelenksi e bëri gjatë një konference me Këshillin e Sigurimit të Kombeve të Bashkuara.

“Masakra” në Bucha është vetëm një shembull i asaj që Rusia ka bërë në 41 ditët e fundit, tha Zelenski.

“Bota nuk e ka mësuar ende të vërtetën e plotë”, shtoi ai.

Zelenski vë në dyshim rolin e Rusisë brenda OKB-së, duke thënë se pushtimi “minon” sigurinë globale.

Ai i bëri thirrje Këshillit të Sigurimit që të përjashtojë Rusinë nga ky Këshill, dhe tha se nëse ky këshill nuk mund të ndalojë veprimet e Rusisë, atëherë “duhet të shpërbëhet”.

“Nëse Këshilli nuk mund të gjejë një mënyrë për të ndihmuar në ndalimin e veprimeve të Rusisë në Ukrainë, ai duhet të shpërbëhet, sepse dëshmon se nuk mund të bëjë asgjë përveç bisedës”, u shpreh Zelenski.

LEXONI GJITHASHTU:

• BE-ja do të miratojë sanksione të reja kundër Rusisë, thotë ministri francez
• Negociata me Putin të vështira pas gjenocidit në Bucha, thotë Zelenski