Rusia fajëson Perëndimin për çështjen e sigurisë ushqimore

Rusia ka hedhur poshtë akuzat se pushtimi i saj në Ukrainë ka krijuar kërcënime serioze për sigurinë globale të ushqimit, duke fajësuar edhe sanksionet perëndimore.

Perëndimi ka akuzuar ushtrinë ruse se mban peng furnizime ushqimore për miliona njerëz në mbarë botën.

Lufta në Ukrainë ka bllokuar portet kryesore të vendit në Detin e Zi, duke ndikuar rëndë në zinxhirët e furnizimit me ushqim në mbarë botën.

Zëdhënësja e Ministrisë së Jashtme, Maria Zakharova tha se “Përpjekjet e Perëndimit për t’i atribuar të gjitha problemet e operacionit ushtarak dhe për të akuzuar Rusinë për bllokimin e anijeve të huaja në portet e Detit të Zi dhe Detit Azov janë absolutisht të pabaza”,

Ajo shtoi se “Katalizatori kryesor për tendencat negative ekzistuese janë sanksionet anti-ruse të Perëndimit, të cilat çuan në shkëputje të lidhjeve në fushën e logjistikës globale dhe infrastrukturës së transportit”.

Zëdhënësja tha sgjithashtu e “Pandemia ka ndërprerë rëndë zinxhirët ushqimore dhe ka rritur ndjeshëm koston e shërbimeve të transportit të ushqimit”.

LEXONI GJITHASHTU:

• Lituanezët mbledhin fonde për blerjen e një droni ushtarak për Ukrainën