Rusia fiton kontrollin e një nga qyteteve më të rëndësishme në Ukrainë

Forcat ruse tani janë nën kontrollin e pjesës më të madhe të Severodonetsk, epiqendra e betejës së përgjakshme për rajonin lindor të Donbasit të Ukrainës.

Luftimet u shtuan të shtunën në qytetin lindor.

“Situata mbetet e vështirë. Luftimet vazhdojnë, por për fat të keq, pjesa më e madhe e qytetit është nën kontrollin rus. Disa beteja pozicionale po zhvillohen në rrugë,” tha Serhiy Haidai, guvernatori i rajonit të Luhanskut.

Presidenti ukrainas Volodimir Zelenski ka thënë se lufta për qytetin strategjik mund të diktojë rezultatin e luftës në lindje të vendit.

“Severodonetsk mbetet epiqendra e konfrontimit në Donbas,” tha Zelenski gjatë fjalimit të tij të natës të mërkurën.

“Kjo është një betejë shumë e ashpër, shumë e vështirë, ndoshta një nga më të vështirat gjatë gjithë kësaj lufte,” shtoi ai. “Në shumë mënyra, fati i Donbasit po vendoset atje.”

Severdonetsk shtrihet në zemër të Donbasit, një rajon i përhapur industrial në Ukrainën lindore që ka parë luftime të përhershme që nga viti 2014, kur separatistët e mbështetur nga Rusia morën kontrollin e dy territoreve atje, Republikën e vetëshpallur Popullore të Donetskut dhe Republikën Popullore të Luhanskut.

LEXONI GJITHASHTU:

• Biden: Zelenski nuk i dëgjoi paralajmërimet për pushtimin e Ukrainës