Rusia i ndal Polonisë furnizimet me naftë

Rusia i ka ndalur furnizimet me naftë në Poloni përmes gazsjellësit Druzhba, ka thënë Daniel Obajtek, shefi i rafinerisë polake të naftës, Orlen.

Megjithatë, ndikimi besohet se është i neglizhueshëm, shkruan REL.

Obajtek ka thënë se kompania ka qenë “plotësisht e përgatitur” për këtë skenar.

“Vetëm 10 për qind e naftës së papërpunuar ka qenë duke ardhur nga Rusia, dhe ne do ta zëvendësojmë atë me shtetet tjera furnizuese”, ka shkruar ai.

Orlen ka thënë se mund t’i sigurojë furnizimet plotësisht nga rrugët detare, që nënkupton se ndalesa ruse nuk do të ketë ndikim në disponueshmërinë e produkteve të saj me pakicë, si benzina.

Druzhba njihet si një prej gazsjellësve më të mëdhenj në botë dhe furnizon me naftën ruse shumë shtete në Evropën Qendrore.

LEXONI GJITHASHTU

• 1-vjetori i luftës në Ukrainë, Lukashenko: Pata një bisedë të gjatë me Putinin
• Kina merr rol aktiv, prezanton planin e paqes në Ukrainë. Kievi pozitiv por skeptik
• Blinken kundër thirrjeve për armëpushim të pakushtëzuar në Ukrainë