Rusia konfirmon shkëmbimin e të burgosurve me Ukrainën

Rusia dhe Ukraina shkëmbyen të burgosurit të shtunën. Lajmi u konfirmua të dielën nga komisionerja ruse për të drejtat e njeriut Tatiana Moskalkova.

Moskalkova tha se në mesin e atyre që u kthyen në Rusi ishin katër punonjës të korporatës shtetërore të energjisë atomike Rosatom, ushtarë dhe disa civilë të tjerë.

“Herët në mëngjes ata zbarkuan në tokën ruse”, shkroi ajo.

Të shtunën u krye gjithashtu një shkëmbim i shoferëve të kamionëve midis Rusisë dhe Ukrainës, tha Moskalkova, me 32 shoferë rusë kamioni, 20 ukrainas dhe një numër shtetasish bjellorus.

Zëvendëskryeministrja e Ukrainës Iryna Vereshchuk deklaroi paraprakisht të shtunën se 12 nga ushtarët e saj po ktheheshin pas një shkëmbimi të burgosurish me Rusinë, shkëmbimi i tretë i tillë që nga fillimi i konfliktit.

Vereshchuk tha se 14 civilë po ktheheshin gjithashtu në Ukrainë si pjesë e marrëveshjes.

Moska ka mohuar të ketë shënjestruar civilët në atë që e quan një “operacion special ushtarak” që synon çmilitarizimin e fqinjit të saj. Ukraina dhe aleatët e saj perëndimorë e quajnë këtë një pretekst të pabazë për luftë.

LEXONI GJITHASHTU:

• Rusia pretendon se ka bombarduar disa baza ushtarake të Ukrainës