Rusia merr presidencën e Këshillit të Sigurimit

Rusia ka marrë të shtunën, më 1 prill, presidencën e Këshillit të Sigurimit të OKB-së pavarësisht kërkesave nga Ukraina që të mos lejohet një gjë e tillë.

Secili nga 15 anëtarët e Këshillit merr presidencën për një muaj, sipas një rendi të paracaktuar.

Në herën e fundit që Rusia kishte presidencën, në shkurt të vitit 2022, filloi dhe pushtimin e paprovokuar të Ukrainës.

Marrja e presidencës nga Rusia do të thotë që Këshilli i Sigurimit po udhëhiqet nga një vend, presidenti i të cilit ka një urdhër-arrest ndërkombëtar për krime të dyshuara lufte.

Gjykata Penale Ndërkombëtare – që nuk është institucion i OKB-së – lëshoi urdhër-arrest për Vladimir Putin gjatë muajit mars.

LEXONI GJITHASHTU:

• Rusia merr presidencën e Këshillit të Sigurimit të OKB të shtunën
• Gjykata e OKB-së refuzon kërkesën e Iranit për asetet e ngrira nga SHBA-ja