Rusia nuk do ta mbajë dot ushtrinë prej sanksioneve të Perëndimit

Rusia nuk do të jetë në gjendje të mbajë ushtrinë e saj për shkak të sanksioneve të ashpra perëndimore, tha të martën kancelari gjerman Olaf Scholz.

Vendet perëndimore e kanë goditur Rusinë me një sërë sanksionesh që nga pushtimi i saj në Ukrainë.

Scholz pohoi se këto sanksione do ta kthenin ekonominë ruse prapa “me dekada”.

“Rusia nuk do të jetë në gjendje të marrë pjesë në përparimin e botës, në progresin ekonomik dhe teknik. Kjo po bëhet më e qartë çdo ditë e më shumë dhe është një dëm i madh,” tha kancelari në një konferencë për shtyp gjatë vizitës së tij në kryeqytetin e Lituanisë Vilnius për një takim me krerët e shteteve baltike.

Scholz shtoi se edhe nëse Rusia abuzon me importet e mallrave civile për qëllime ushtarake, Moska gjithashtu nuk do të jetë në gjendje të ruajë aftësitë e saj ushtarake në të njëjtën mënyrë për shkak të sanksioneve.

LEXONI GJITHASHTU:

• Rusia vendos sanksione ndaj 61 zyrtarëve të SHBA-së