Rusia për bombardimin e spitalit: Inskenim i Ukrainës  

Zëdhënësi i Ministrisë së Mbrojtjes së Rusisë ka pretenduar gjatë një interviste se sulmi ajror ishte “një provokim i orkestruar për të mbajtur lart ngazëllimin anti-rus në mesin e audiencës Perëndimore”.

Sipas Igor Konashenkov, Rusia nuk ka kryer “asnjë mision për të goditur objektivat në terren në zonën e Mariupolit”.

Më herët gjatë ditës, ministri i Jashtëm rus Sergei Lavrov e cilësoi ambientin spitalor si një “shënjestër ushtarake legjitime” pasi ishte nën kontrollin e radikalëve ukrainas.

Presidenti Volodymyr Zelensky përgënjeshtroi pretendimet e Lavrovit dhe e cilësoi sulmin “krim lufte”.

Ngjarja e rëndë ku humbën jetën 3 persona, mes tyre një fëmijë, dhe u plagosën 17 të tjerë ndodhi pasditen e së mërkurës.

LEXONI GJITHASHTU:

• Përditësime LIVE 10 mars: Nuk arrihet armëpushim Ukrainë-Rusi