Pse Rusia po përpiqet të rrethojë Ukrainën lindore

Rusia ka ndryshuar strategjinë e saj të luftës në Ukrainë për t’u fokusuar në marrjen e kontrollit të Donbasit dhe rajoneve të tjera në Ukrainën lindore, sipas disa zyrtarëve amerikanë të njohur me vlerësimet e fundit të inteligjencës amerikane.

Më shumë se një muaj pas luftës, forcat tokësore ruse nuk kanë qenë në gjendje të mbajnë kontrollin e zonave ku kanë luftuar, raporton CNN.

Presidenti rus Vladimir Putin është nën presion për të demonstruar se mund të tregojë një fitore dhe Ukraina lindore është vendi ku ai ka më shumë gjasa ta arrijë këtë, thonë zyrtarët.

Përgjimet e inteligjencës amerikane sugjerojnë se Putini është i fokusuar në 9 maj, Ditën e Fitores së Rusisë.

9 maji është një festë e shquar në kalendarin rus, një ditë në të cilën vendi shënon dorëzimin nazist në Luftën e Dytë Botërore me një paradë të madhe trupash dhe armatimi në Sheshin e Kuq të Kremlinit.

Zyrtarët thonë se Putin dëshiron të festojë edhe fitoren e luftës së tij atë ditë.

Por zyrtarë të tjerë vërejnë se edhe nëse ka një festë ruse, një fitore e vërtetë mund të jetë më larg.

LEXONI GJITHASHTU:

• Rusia shpall armëpushim në Mariupol
• Ushtria e Ukrainës rimerr kontrollin e të gjithë Kievit, thotë zv.ministrja