Rusia sulmon Ukrainën gjatë natës, shkelet marrëveshja bërthamore

Ukraina ka raportuar një seri tjetër sulmesh nga Rusia gjatë natës, përfshirë një sulm në qytetin verilindor të Ukrainës, Sumy, i cili plagosi të paktën 11 banorë, thanë autoritetet lokale.

Rajoni i Sumy kufizohet me Rusinë dhe ka qenë nën sulme të vazhdueshme nga dronë dhe raketa, raportoi Reuters. Shërbimet e emergjencës thanë se Rusia kishte goditur një ndërtesë banimi shumëkatëshe, shtëpi private dhe objekte infrastrukturore.

Ndërkohë, Rusia ka sulmuar Ukrainën gjatë muajve të fundit me një raketë, që SHBA dhe Perëndimi e konsiderojnë si shkelje të marrëveshjes për kontrollin e armëve bërthamore dhe që mund të kërcënojë Evropën.

Sipas rapoprtimeve, bëhet fjalë për raketën 9M729, një raketë tip “kruiz” që Rusia e ka lëshuar 23 herë kundër Ukrainës që nga muaji gusht, siç tha një zyrtar i lartë ukrainas për Reuters. Ukraina gjithashtu ka regjistruar dy lëshime të raketës 9M729 nga Rusia gjatë vitit 2022.

LEXONI GJITHASHTU:

• Orban: Kushdo që mbështet Ukrainën, mbështet luftën
• Gjatë takimit në Korenë e Jugut, Trump dhe Xi dakordësohen për të ndihmuar Ukrainën