Sa është ruajtur gjuha shqipe në komunën e arbëreshëve? Flet kryetari Rosario Petta

Pasuria jomateriale e arbëreshëve të qytezës “Piana degli albanesi” (Hora e Arbëreshëve), në provincën e Palermos në Sicili është një nga 13 kandidaturat italiane që garon për vlerësimin “Etiketa e Trashëgimisë Kulturore 2023” (European Heritage Labe).

Në datën 1 mars dy kandidaturat më të mira do të paraqiten pranë Komisionit Evropian për të pritur më tej se kush do ta meritojë atë. Piana degli Albanesi ështeë ndër qytezat më të populluara me arbëreshë, ndër 52 të tilla që numërohen në Itali. Në vitin ‘600 aty u ngrit shkolla e parë evropiane ku mësohej edhe shqip.

Rosario Petta, kryetari i Bashkisë në “Piana degli Albanesi” në një intervistë për Euronews Albania tregoi se të gjithë banorët e bashkisë që ai drejton flasin gjuhën arbëreshe.

Ai u shpreh se prej 5 vjetësh është investuar në ruajtjen e raporteve dhe rritjen e bashkëpunimit edhe e shqiptarët e Kosovës.

“Nga terminologjia historike që vazhdojmë të përdorim merremi vesh në shqip. Prej 5 vitesh kemi investuar ë ruajtjen e raporteve edhe me Kosovën. Unë jam president i këshilli të bashkëpunimit të arbëreshëve dhe shqiptarëve të Kosovës. Për ne është shumë e rëndësishme që të intensifikohen këto elementë për të qenë sa më të lidhur me tokën mëmë, Shqipërinë”,  tha Petta.

LEXONI GJITHASHTU:

• Aktori amerikan: Gjyshja ime është arbëreshe, fliste gegërisht
• Historiani: Stërgjyshi nga babai dhe nëna e Messit janë arbëreshë nga Gjirokastra