“Sa kohë shkelet rregullorja, s’ka normalitet”, Bardhi: Të gatshëm për përshkallëzim

Deputeti i Partisë Demokratike Gazment Bardhi tha në një deklaratë për mediat se deputetët demokrat do të vazhdojnë aksionin e tyre dhe janë të gatshëm edhe për përshkallëzim duke shkuar edhe në grevë urie brenda parlamentit.

“Besoj se edhe sot e patë se pavarësisht se me një urdhër të paligjshëm përfaqësues të opozitës nuk u lejuan të futen në parlament, përsëri grupi parlamentar i Partisë Demokratike vijoi aksionin për t’u treguar që nuk mund të ketë normalitet për sa kohë shkelet rregullorja dhe kushtetuta.

Kryetarja e kuvendit duhet të rishohë pozicionin e saj për sa i përket të drejtave të opozitës për komisionet parlamentare. Unë jam përjashtuar nga kuvendi sepse nuk jam lejuar të futem për 45 minuta pa pasur asnjë pengesë ligjore të futen më sallën e seanca plenare. Kjo tregon se në këtë parlament nuk ka më urdhra të pashkruar mjafton vetëm urdhri i paligjshëm i Edi Ramës.

Grupi parlamentar i Partisë Demokratike është i gatshëm të shkojë në akte përshkallëzimi, duke përfshirë edhe grevëne urisë”,-tha Bardhi.

LEXONI GJITHASHTU:

• “Opozita të flasë në Parlament”, Alibeaj: Mazhoranca është vetëm numra e kartonë
• PS i rrëzoi amendamentin, Basha largohet nga salla. Përplasja me Nokën: Je i pabesë