Sa ndikon lufta në Izrael në ekonominë shqiptare?

Lufta në Izrael pritet të ketë ndikime në ekonominë e shumë vendeve. Ekspertët në Shqipëri parashikojnë rritje të çmimit të karburanteve, për shkak se importi më i madh i tyre kryhet nga vendet e Lindjes së Mesme.

Ndërsa bota po i rikthehej disi ekuilibrit ekonomik të cenuar nga një luftë në kufij e Europës mes Rusisë dhe Ukrainës, konflikti i një jave më parë në Izrael ka ndezur shkëndijën e alarmit për stabilitetin e çmimeve.

Ekspertët thonë se konflikti do të rrisë çmimet e energjisë në bursat ndërkombëtare dhe këto efekte do të ndjehen dhe në vendin tonë.

Efekti i parë dhe me i ndjeshëm pritet të jetë rritja e çmimit të karburanteve.

Produktet energjetike importohen kryesisht Lindja e Mesme, dhe lufta mund të shkurtoj furnizimin global, duke sjellë ndikime dhe në tregun tonë.

Shkëmbimet tregtare midis Shqipërisë dhe Izraelit janë rritur 3 vitet e fundit, ku vitin e kaluar dy vendet kanë tregtuar 57 milionë euro. Produktet e importuara janë kryesisht minerale, lëndë djegëse, energji elektrike si dhe produkte kimike dhe plastike. Nga ana tjetër Shqipëria eksporton kryesisht ushqime dhe material ndërtimi, të cilat gjithashtu pritet të ndikojnë në shifrat e eksportit.

LEXONI GJITHASHTU:

• “Raketat janë prodhim serb”, analisti: Si Vuçiç e ndihmoi Hamasin kundër Izraelit
• Lufta mes Izraelit dhe Hamasit, reagon për herë të parë Vladimir Putin