Pas qëndrimit për rreth një orë në ambientet e Drejtorisë së Policisë së Tiranës, Safet Bajri është nxjerrë nga aty dhe është shoqëruar drejt bllokut të sigurisë në kryeqytet.

Gazetarja e Euronews Albania raporton se Safet Bajrit i është komunikuar masa e sigurisë arrest me burg ndërsa sipas avokatit të tij masa e sigurisë ka të bëjë me një ngjarje të vitit 2018 e cila sipas tij është gjykuar një herë.

Më 10 gusht të vitit 2018 u vra me breshëri plumbash teksa ndodhej në një kafe në Shkodër, Fatbardh Lici.

Ngjarja ndodhi rreth orës 7 e 30 minuta të mëngjesit në periferi të qytetit, në lagjen “Kiras”.

Viktima, 53-vjeç, ka qenë duke pirë kafe në shoqërinë e dy personave të tjerë kur nga një mjet tip “Benz”, pa targa, ka dalë një person që ka qëlluar me breshëri automatiku në drejtim të tij, duke e lënë të vdekur në vend.

Kujtojmë se këtë të premte, Bajri ishte thirrur në orën 11:00 për të dhënë deklaratë në Policinë e Shkodrës. Megjithatë, pas mbërritjes në polici, atij iu komunikua se marrja në pyetje do të kryhej në Tiranë.

Nga ana e mbrojtjes theksohet se për herë të dytë është kërkuar marrja e ADN-së së tij.

LEXONI GJITHASHTU:

• Vrasja e xhaxhait të Ibrahim Licit, zbardhet motivi që çoi në pranga Safet Bajrin
• I qetë e i buzëqeshur, momenti kur RENEA shoqëron në Policinë e Tiranës Safet Bajrin
• “S’i dua gazetarët, më kanë paragjykuar” Behar Bajri përplaset me prokurorët në gjyq