Safet Bajri është arrestuar me urdhër të Prokurorisë së Posaçme (SPAK), nën akuzën për përfshirje në vrasjen e Fatbardh Licit, ngjarje e ndodhur më 10 gusht 2018 në Shkodër.
Masa e sigurisë për këtë çështje i është komunikuar edhe Behar Bajrit dhe Astmer Bilalit, të cilët ndodhen në burg në kuadër të dosjes “Metamorfoza”.
Dy ditë pasi dha një intervistë televizive që u bë virale, Safet Bajri u arrestua me vendim të Gjykatës së Posaçme dhe me kërkesë të SPAK.
Ai u soll nga Shkodra në Tiranë nga forcat RENEA dhe akuzohet për vrasjen e Fatbardh Licit.
53-vjeçari Fatbardh Lici, i vrarë rreth 7 vite më parë, dyshohet se është viktimë e përplasjes së vazhdueshme mes fiseve Lici dhe Bajri në Shkodër.
Sipas hetimeve të prokurores së SPAK, Elida Kaçkini, dhe vendimit të gjyqtares së posaçme, Etleva Deda, masa e sigurisë “arrest me burg” është dhënë edhe për Behar Bajrin, i njohur gjithashtu me mbiemrin Brajoviq, dhe Astmer Bilalin.
Safet Bajri ka qenë më herët i ndaluar nga autoritetet e drejtësisë, gjatë operacionit “Oaz” të zhvilluar nga ish-Prokuroria për Krime të Rënda, por më pas është liruar.
Ai ka qenë i dënuar edhe në Belgjikë, ndërsa gjatë javëve të fundit banesa e tij në Dobraç është kontrolluar disa herë me urdhër të SPAK, në kuadër të disa procedimeve penale.
LEXONI GJITHASHTU:
- Safet Bajrit i komunikohet masa “arrest me burg”, transferohet në bllokun e sigurisë
- I qetë e i buzëqeshur, momenti kur RENEA shoqëron në Policinë e Tiranës Safet Bajrin
- Saga e përgjakshme Lici-Bajri, përplasja mes dy fiseve që prodhuan mbi 20 viktima
- SPAK njoftim zyrtar për arrestimin e Safet Bajrit, urdhërarrest për Astmer Bilalin
