Salianji para takimit në Durrës: PD të kthehet te njerëzit, te kafet

Para nisjes së takimit me strukturat e Partisë Demokratike, deputeti Ervin Salianji theksoi rëndësinë që politikanët demokratë të jenë sa më pranë qytetarëve dhe të kontribuojnë në fuqizimin e partisë.

“Salla është plot, është e rëndësishme që cilido prej politikanëve, por sidomos ata të PD, të kthehen tek njerëzit, tek kafet, tek takimet, tek bashkëbisedimet, për të bërë të mundur ringritjen e PD, ripërtëritjen,” u shpreh Salianji para takimit.

Ai shtoi se është i gatshëm të jetë pjesë e çdo diskutimi me demokratët, kudo ku kërkohet, për të kontribuar në procesin e reformimit të partisë.

“Unë do të jem në çdo takim ku do të më kërkojnë demokratët për të ndarë mendimet se si PD të bëhet e fortë dhe të jetë alternativë qeverisëse. Janë të gjithë në takim, struktura e PD,” deklaroi ai.

Salianji “dhëmbë për dhëmbë” me Berishën/ “Takim ku më ftuan , lëvizje për ndryshim”
Ish-deputeti i PD, Ervin Salianji, nga Durrësi ka bërë thirrje që çdo demokrat t’i bashkohet lëvizjes për ndryshim, që ka si qëllim ripërtëritjen e PD dhe kthimin e saj në një alternativë. pic.twitter.com/kOTW8xhpnX

— Euronews Albania (@EuronewsAlbania) December 3, 2025