Salwan Momika, personi që dogji Kuranin, qëllohet për vdekje në Suedi
Salwan Momika, personi që shkaktoi protesta të dhunshme pasi dogji një kopje të Kuranit, është qëlluar për vdekje në një apartament në Södertälje, pranë Stokholmit, mbrëmjen e së mërkurës. Lajmi u konfirmua nga prokurorët suedezë për BBC.
Sipas policisë së Stokholmit, pesë persona janë arrestuar në lidhje me këtë ngjarje. Momika, një irakian që jetonte në Suedi, u qëllua rreth orës 23:11 me orën lokale dhe u transportua në spital, ku ndërroi jetë të enjten në mëngjes. Mediat suedeze raportojnë se ai ishte duke transmetuar drejtpërdrejt në mediat sociale në momentin e të shtënave.
Momika u bë figurë kontroverse në vitin 2023 pasi dogji një kopje të Kuranit jashtë Xhamisë Qendrore të Stokholmit, duke shkaktuar zemërim dhe protesta në disa vende me shumicë myslimane. Ai ishte nën hetim për “agjitacion kundër një grupi etnik” në katër raste gjatë verës së atij viti dhe pritej të dënohej këtë të enjte, por procesi gjyqësor u pezullua pas konfirmimit të vdekjes së tij.
Ndërkohë, kryeministri suedez Ulf Kristersson tha se shërbimet e sigurisë janë përfshirë në hetim, duke nënvizuar mundësinë e lidhjeve me fuqi të huaja.
Ngjarja ka rikthyer në vëmendje debatin për lirinë e shprehjes në Suedi, pasi autoritetet e kishin lejuar fillimisht protestën e Momikës, por më pas nisën të shqyrtonin kufizime ligjore për djegien e librave fetarë në rrethana të caktuara.
LEXONI GJITHASHTU:
Netanyahu mirëpret marrëveshjen me Libanin: Arritje historike, goditje e madhe për Iranin
Hungari, centrali bërthamor i Paksit uli prodhimin për shkak të mbinxehjes së ujërave të Danubit
Tërmeti në Venezuelë, avionë amerikanë me ndihma humanitare zbarkojnë në aeroportin e Karakasit
- 21:45 Përfundojnë fjalimet përpara Kryeministrisë, qytetarët nisin marshimin në kryeqytet
- 21:45 Ra në ujë, burri i ministres italiane Eugenia Roccella zhduket në një liqen pranë Romës
- 21:31 Netanyahu mirëpret marrëveshjen me Libanin: Arritje historike, goditje e madhe për Iranin
- 21:12 Qytetarët shfaqin videon e ministres Diella në murin e Kryeministrisë: Deklaroj dorëheqjen, radha juaj Rama
- 21:11 Aktori Mehdi Malkaj në protestë: Nuk ka gjë më të bukur se Shqipëria, ta duam atdheun tonë
- 20:47 Eurodeputetja italiane e pranishme në protestë: Europa nuk është në Bruksel, është këtu